അമ്മു:അപര്‍ണ്ണ - സ്വാതന്ത്ര്യം അര്‍ദ്ധരാത്രിയില്‍

അമ്മു : നീ ഒരു വിശ്വാസിയാണോ ?
അപര്‍ണ്ണ : എന്നു വെച്ചാല്‍ ? നീ പറയുന്നത് ഞാന്‍ വിശ്വസിക്കണം എന്നാണോ ഉദ്ദേശിച്ചത് ?
അമ്മു: അതല്ല..ഇന്ത്യയുടെ ഭാവിയേക്കുറിച്ച് നിനക്കെന്താണഭിപ്രായം ?
അപര്‍ണ്ണ : അതും വിശ്വാസവും തമ്മിലുള്ള ബന്ധം ?
അമ്മു: നീ തമാശ കളയൂ..ഇനി പറ
അപര്‍ണ്ണ : എനിക്ക് ഇന്ത്യയുടെ ഭാവിയേക്കുറിച്ച് പ്രതീക്ഷയില്ല..ഈ നാട് നന്നാവില്ല..
അമ്മു : ഓ..നീ ഒരുപടിഞ്ഞാറു നോക്കി ആണല്ലോ..ഞാന്‍ ചോദിക്കേണ്ടിയിരുന്നതു അമേരിക്കയുടെ ഭാവിയേക്കുറിച്ചായിരുന്നൂ..പോട്ടെ..നീ ജ്യോതിഷത്തില്‍ വിശ്വസിക്കുന്നുണ്ടോ ?
അപര്‍ണ്ണ : പിന്നല്ലാതെ..അതൊരു സയന്‍സാണ്..കുറേ അടിസ്ഥാനമുണ്ട്..ജാതകം നോക്കിയേ ഞാനെന്തു കാര്യവും ചെയ്യൂ..പത്രത്തിലെ വാരഫലം എന്റെ വീക്നെസ്സാണു..
അമ്മു : അങ്ങിനെയാണെങ്കില്‍ നീ ഇന്ത്യയെക്കുറിച്ച് ആശങ്കപ്പെടേണ്ട യാതോരു കാര്യവുമില്ല..
അപര്‍ണ്ണ : അതെന്താ ?
അമ്മു : മഹാ പണ്ഡിതരായ ജ്യോതിഷികളുടെ സമ്മര്‍ദ്ദത്തില്‍, പൂണൂലിട്ട/ജഢ പിടിച്ച താടിരോമങ്ങളോടു കൂടിയ പുരോഹിത/ബ്രാഹ്മണ സാന്നിധ്യത്തില്‍ പൂജാദികര്‍മ്മങ്ങളുടെ അകമ്പടിയോടേ 1947 ആഗസ്റ്റ് 14 നു അര്‍ദ്ധരാത്രിക്കാണു മകളേ നാം സ്വതന്ത്രരായത്..ജാതകം നോക്കി പിറവി നിശ്ചയിക്കപ്പെട്ട ലോകത്തിലെ ഏക രാഷ്ട്രമാണു ഈ ഭാരതം..പക്ഷെ അതിനു മുന്‍പും ശേഷവും മരിച്ചു വീണത് ആയിരങ്ങളാണ്..മതഭ്രാന്തില്‍/തൊട്ടുകൂടായ്മയില്‍/വിഭജനാനന്തര കലാപത്തില്‍..അത് ഇന്നും തുടരുന്നു..സ്വാതന്ത്ര്യത്തിനു വേണ്ടി പോരാടി മരിച്ചവരേക്കാള്‍ കൂടുതല്‍ പേര്‍ വര്‍ഗ്ഗീയലഹളകളിലും പട്ടിണിയിലും രോഗപീഢകളിലും മരണം പുല്‍കിയിരിക്കുന്നൂ ഇവിടേ..മനസ്സിലായോ സ്വാതന്ത്ര്യം അര്‍ദ്ധരാത്രിക്കാണു കിട്ടിയത്..!!!!!

അമ്മു:അപര്‍ണ്ണ - ഫിനിഷിംഗ് പോയിന്റ്

നീ ആയിരത്തിരുന്നൂറ് മീറ്റര്‍ ഓടുന്ന ഒരു ദീര്‍ഘദൂര ഓട്ടക്കാരിയാണ്..
ഓടിയോടി ഫിനിഷിംഗ് പോയിന്റില്‍ എത്തുമ്പോഴേക്കും
നീ അറിയുന്നു/കാണുന്നൂ ഫിനിഷിംഗ് പോയിന്റ് വീണ്ടും ഒരു 600 മീറ്റര്‍ കൂടി ദീര്‍ഘിപ്പിച്ചിരിക്കുന്നൂ
എന്തായിരിക്കും നിന്റെ മനസ്സില്‍ അപ്പോള്‍..നിരാശയോ വിഷമമോ..അതോ ലക്ഷ്യത്തിലേക്ക് ഇനിയും കുറേക്കൂടി ഓടേണ്ടി വരുമല്ലോ എന്ന ആശങ്കയോ...

അതു തന്നെയാണു വിവാഹം നീട്ടിവെക്കപ്പെടുന്ന ഏതൊരു വ്യക്തിയുടേയും മനസ്സില്‍ ഉണ്ടാവുന്നത്...